The Accounts

The Official Student Publication of University of the Philippines- College of Management, Iloilo City

Balaan

ni: Henry Petrola

Manugbantay ako sang madamo nga karnero

Gintugyanan para magpanghulik sang mga tawo

Ilikaw sa sala ang kada-isa sa inyo

Magpalapnag sang balita nga maayo.

Nagpalapit ka sa akon para sa isa ka sakramento

Itu-ad ang kasaypanan sa isig-katawo

Para mapangayuan sang kapatawaran ang tanan

Konsensya kag kalag liwat nga matinluan.

Ikaw nagsunod sa akon sa bug-os nga pagtuo

Nagpati sa tanan nga ginhambal sa imo

Nag-upod sa ibabaw, sa hulot nga sirado

Para mapatuman ang balaan nga sakramento.

Ginpakuha sa imo ang mga bagay nga tawhanon

Samtang ginasindihan ang kandila sa ulohan naton

Ginpanugyanan nga mahigda, mga mata ipiyong

Patawhayan ang kaisipan, kulba kag kahadlok kuhaon.

Ang espirito sang kabaskog, liwat ako nga ginsudlan

Nagpalanig-a ang kaunuran sa bug-os nga kalawasan

Amng buho sang bindita nagtangla sa kalangutan

Nakahansa sa dapat nga pagagamitan.

Ginsuguran sa paghuluhaplos sa imo ulohan

Ginpadulot ang akon gahum sa imo kaunuran

Ginbindisyunan sang malapuyot nga bindita

Ang kalaot nga nagaputos sa imo, nakuha na.

Sa lamharon mo nga kaisipan, wala ka makapangaman

Mangin kaangay ka karon sang isa ka laya nga utan

Mangin talang-talang ka, wala mahibalo sang padulungan

Ang tanan natabo lamang suno sa akon kasulatan.

Filed under: Poetry

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Free Student Publication of a Free Student Body

Enter your email address to subscribe to this blog and receive notifications of new posts by email.

Join 4 other followers

August 2008
M T W T F S S
« Jul   Sep »
 123
45678910
11121314151617
18192021222324
25262728293031
%d bloggers like this: